Google ADS

Maqedoni, vaksinimi kundër gripit sezonal fillon nga java e ardhshme

15:30 | 5 Nëntor 2020
A. B.

Siç njoftojnë nga Qendra për Shëndet Publik – Shkup, vaksinat kundër gripit sezonal sot do të arrijnë në Maqedoni dhe do të shpërndahen nëpër Qendrat e Shëndetit Publik në Maqedonisë.

Vaksinimi do të fillojë nga java e ardhshme ndërsa vaksinat janë prodhim francez nga kompania ‘Sanofi Paster’, njofton Telegrafi Maqedoni.

Gjithsej janë blerë 40.000 doza që do të jepen për vaksinim falas për grupet e rrezikuara siç janë personat e moshuar mbi 65 vjet, të sëmurët kronikë, punonjësit shëndetësor, gratë shtatzëna, fëmijët prej moshës 6-muajshe deri në 5 vjet.

Imunizimi do të bëhet me udhëzim nga mjeku amë përmes sistemit ‘Termini Im’ nga ora 14:00 deri në ora 19:00.

Vaksinat komerciale kundër gripit sezonal i blejnë edhe Qendrat për Shëndet Publik nga ku bëhet edhe vaksinimi. QSHP Shkup ka blerë 4.000 vaksina komerciale ndërsa çmimi i tyre është 800 denarë./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm